Úkimette sanktsııalyq saıasattyń Qazaqstannyń saýda aǵynyna áseri talqylandy

ASTANA. QazAqparat - Senbi, 1 sáýir kúni QR Premer-Mınıstri Álıhan Smaıylov Qazaqstannyń syrtqy saýdasynyń ózekti máseleleri boıynsha keńes ótkizdi, dep habarlaıdy QazAqparat Úkimettiń saıtyna silteme jasap.

Atap aıtqanda, Úkimet basshysyna sanktsııalyq saıasattyń elimizdiń saýda aǵynyna áseri, onyń ishinde saýda qurylymyndaǵy ózgerister men taýar jetkizý logıstıkasy týraly baıandaldy.

Álıhan Smaıylov memlekettik ýákiletti organdarǵa jaǵdaıdy baqylaýda ustap, saýda tártibin buzý faktilerine baılanysty jedel áreket etýdi, sondaı-aq bıznes ókilderine keńinen túsindirý jumystaryn júrgizýdi tapsyrdy.