Úkimette Prezıdenttiń Qazaqstan halqyna Joldaýynyń basty baǵyttary qaraldy

NUR-SULTAN. QazAqparat - Búgin QR Premer-Mınıstri Asqar Mamın Úkimet múshelerimen jáne óńirler ákimderimen keńes ótkizdi, dep habarlaıdy Úkimettiń baspasóz qyzmeti.

Jıyn barysynda Prezıdent Qasym-Jomart Toqaevtyń Qazaqstan halqyna arnaǵan «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýynyń basty baǵyttary qaraldy.

Memleket basshysynyń Úkimettiń aldyna naqty mindetter qoıǵany aıtyldy, olardyń sheshilýi ekonomıkanyń odan ári ósýine, Tuńǵysh Prezıdent – Elbasy N.Á. Nazarbaevtyń strategııalyq baǵyttarynyń negizinde bizdiń elimizdiń azamattarynyń ómir súrý sapasyn jaqsartýǵa yqpalyn tıgizetin bolady.

Memleket basshysynyń tikeleı sheteldik ınvestıtsııalardy tartý, óńirlerdi damytý jáne ataýly áleýmettik kómek kórsetý boıynsha qoıǵan mindetterin sheshýdiń mańyzdylyǵyna erekshe kóńil bólindi.

Memleket basshysynyń Joldaýyn iske asyrý boıynsha naqty sharalarǵa erteńgi Úkimet otyrysy arnalatyn bolady.