Úkimette OPEK-tiń kelisimin oryndaý múmkin bolmaǵan jaǵdaıǵa arnalǵan jospary bar
«Іs júzinde OPEK-tiń barlyq elderi jáne oǵan qosa OPEK-ke kirmeıtin elder 30 qarasha kúni Venada kelesi jyldyń sońyna deıin munaı óndirý kólemin qysqartý týraly shartqa qol qoıdy. Elder buǵan deıingi shartta kózdelgen deńgeıde óndirýdi saqtaıdy. Biz úshin muny jasaý qıynǵa soǵady jáne bizdiń tarabymyzdan shartty uzartý qazirgi naryqtaǵy baǵany saqtap qalý úshin jasalǵan úlken ymyra. Mamandardyń paıymynsha, eger OPEK kelisimdi uzartpaǵanda baǵa quldyraıtyn edi. Sondyqtan 62-63 dollarlyq baǵa - jaqsy, munaıshylarmen qatar munaı ken oryndaryna qarjy salatyn ınvestorlarǵa senimdilik beredi. Eger biz arttyratyn bolsaq, óz tarabymyzdan seriktesterimizben qajetti sharttardy ýaǵdalastyq. Sondyqtan biz bul shartty qoldadyq. Biraq, eger bizde ony oryndaýda qıyndyqtar týyndaıtyn bolsa, onda seriktesterge júginip, kelisimge kele alamyz», - dedi ol.
Onyń aıtýynsha, kelisimnen aýytqý shartty buzý bolyp sanalmaıdy. Óıtkeni, seriktermen kelisilgen. Jalpy, aǵymdaǵy jyly Qazaqstan 85 mıllıonnan astam tonna munaı óndirýdi josparlap otyr. Ótken jyly elimiz 78 mln tonna munaı óndirgen edi.
«2018 jyldyń josparyn jeltoqsan aıynyń ortasynda beremiz. Qazirgi ýaqytta qujatpen jumys isteýdemiz. Ósim sál ǵana bolady, bizdiń aldymyzda sondaı mindet tur», - dedi Qanat Bozymbaev.