Úkimette QR Prezıdenti tapsyrmalaryn júzege asyrý is-sharalary jospary qaralady
10:31, 19 Aqpan 2015
ASTANA. QazAqparat - Erteń QR Úkimetiniń otyrysynda Elbasy tapsyrmalaryn júzege asyrý is-sharalary jospary qaralady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Ulttyq ekonomıka mınıstri Erbolat Dosaev málim etti.
Mınıstr óz sózinde otandyq kompanııalardyń ónimderine ishki suranysty qoldaý jáne jańa jumys oryndaryn qurý úshin aǵymdaǵy jyldyń aqpanynan «Nurly jol» memlekettik baǵdarlamasy aıasynda josparlanǵan barlyq jobalardy qarjylandyrýdy bastaý tapsyrylǵanyn eske saldy.
«Úkimet Memleket basshysynyń 2015 jyldyń 11 aqpanynda Úkimettiń keńeıtilgen otyrysynda bergen tapsyrmalaryn júzege asyrýdyń is-sharalar josparyn naqty merzimin kórsete otyryp ázirledi. Erteń atalǵan jospar Úkimet otyrysynda qaralatyn bolady», - dedi E.Dosaev.