Úkimette «KAZAKH INVEST» kompanııasynyń bir jylǵy jumysy qaraldy
Otyrysta kompanııanyń 2021 jylǵy qyzmetiniń qorytyndylary qaraldy, 2021 jylǵa arnalǵan qarjylyq esep aldyn ala maquldandy. Sondaı-aq Esep saıasaty jáne Qarjy resýrstaryn basqarý saıasaty sekildi jańa redaktsııadaǵy birqatar ishki qujattar bekitildi. Іshki aýdıt qyzmetiniń jáne Sybaılas jemqorlyqqa qarsy komplaens-qyzmetiniń 2022 jylǵy І toqsandaǵy esepteri qaraldy.
Basqarma tóraǵasy Meıirjan ıÝsýpovtyń aıtýynsha, «KAZAKH INVEST» kompanııasynyń qoldaýymen 2021 jyly 5 myń jumys ornyn qura otyryp, 3,8 mlrd dollardan astam somaǵa 57 joba iske asyryldy. Óndiristik alańdardy aralaýmen sheteldik ınvestorlardyń Qazaqstan óńirlerine 190-nan astam sapary uıymdastyryldy. Olardyń aıasynda memlekettik organdarmen jáne jergilikti bıznes ókilderimen kelissózder júrgizildi.
2021 jyldyń qorytyndysy boıynsha Qazaqstanǵa tikeleı sheteldik ınvestıtsııalardyń jalpy aǵyny pandemııaǵa deıingi deńgeıge jetip, 23,7 mlrd dollardy qurady.
El basshylyǵynyń tapsyrmasy boıynsha QR aýmaǵynda halyqaralyq kompanııalardyń óndirisin jergiliktendirý maqsatynda keń aýqymdy jumys júrgizilip jatyr. Álemniń 30-ǵa jýyq elinen shıkizattyq emes salalardyń 200-den astam kompanııasyna ınvestıtsııalyq usynys-paketter joldandy. Múddeli kompanııalarmen belsendi túrde kelissózder júrgizilip jatyr.
Sondaı-aq QR Premer-Mınıstrine «KAZAKH INVEST» kompanııasynyń sheteldegi ókilderiniń qyzmetiniń nátıjeleri týraly baıandaldy. Sheteldegi ókilder jumysynyń tıimdilik kórsetkishteri jyl saıyn Premer-Mınıstrdiń orynbasary – Syrtqy ister mınıstri Muhtar Tileýberdi tóraǵalyq etetin keńeste qaralady. Bul baǵyttaǵy jumys sheteldik ókilder bar óńirlerde pandemııalyq shekteýlerdiń birtindep alynýynyń nátıjesinde jandanyp jatqany atap ótildi.