Úkimette ekonomıkany nesıelendirýge qatysty jıyn ótti

ASTANA. QazAqparat - QR Premer-Mınıstriniń orynbasary – qarjy mınıstri Erulan Jamaýbaev ekonomıkany nesıelendirýge qatysty jıyn ótkizdi.Bul týraly QazAqparat Úkimettiń saıtyna silteme jasap habarlaıdy.

Jıynǵa Qarjy, Ulttyq ekonomıka mınıstrlikteri men Qarjy naryǵyn retteý jáne damytý agenttiginiń ókilderi qatysty.

Jaýapty mamandar boryshkerdiń qaıtalap júginýine qatysty birqatar máseleni, onyń ishinde: bankrottyq týraly ótinishpen, múlikti shekteýlerden bosatý tártibin ońaılatý, kásipkerlikti qoldaý baǵdarlamalary sheńberinde qoldanylatyn sýbsıdııalaýdyń saralanǵan túpkilikti mólsherlemesin belgileý, sondaı-aq bank sektoryn salyqtyq yntalandyrýǵa qatysty máseleni talyqylady.

Jıyndy qorytyndylaı kele, Erulan Jamaýbaev memlekettik organdarǵa ekonomıkanyń naqty sektoryn nesıelendirýge ekinshi deńgeıli bankterdi tartý sharalaryn pysyqtaý úshin birqatar tıisti tapsyrma berdi.

Foto: primeminister.kz