Úkimette bıznestegi ózekti máseleler qaraldy

ASTANA. QazAqparat - Búgin QR Premer-Mınıstriniń orynbasary – qarjy mınıstri Erulan Jamaýbaev bıznestiń ózekti máseleleri boıynsha kezekti keńes ótkizdi, dep habarlaıdy QazAqparat Úkimettiń resmı saıtyna silteme jasap.

Jıynǵa memlekettik organdardyń, uıymdardyń jáne «Atameken» Ulttyq kásipkerler palatasynyń ókilderi qatysty.

Kezekti jıynda «Atameken» Ulttyq kásipkerler palatasy usynǵan máseleler kóterildi.

Jıynda tehnıkalyq retteý salasyndaǵy qyzmetti josparlaý men qarjylandyrýdyń memlekettik jikteýishine ózgerister engizý, sáıkestikti baǵalaý salasyndaǵy akkredıtteý standarttaryn ázirleý kezindegi básekelestikke shekteýler, kólikti lızıngke satyp alý kezinde kádege jaratý tóleminen bosatý máseleleri qaraldy.

Memlekettik organdardyń mindeti – kásipkerlikti damytý jáne keńeıtý úshin barynsha qolaıly jaǵdaı jasaý. Sondyqtan memlekettik organdar barlyq qol jetimdi aspektilerdi eskere otyryp, bıznestiń ózekti máselelerin der kezinde jáne sapaly túrde qaraý boıynsha turaqty jumys júrgizedi.