Úkimetke júktelgen tapsyrmalardyń ózegi qarapaıym halyqtyń ál-aýqatyn arttyrýǵa baǵyttalyp otyr - N. Nazarbaev
Sondaı-aq, Memleket basshysy Prezıdent Ákimshiligine Úkimetke júktelgen tapsyrmalardyń atqarylýyn baqylaýdy qamtamasyz etýdi mindettedi. Jıyn sońynda Elbasy basqa memleketterde dál Qazaqstandaǵydaı daǵdarysqa qarsy sharalar qolǵa alynbaǵanyn, buǵan kóptegen memleketterdiń kúshi de jetpeı otyrǵanyn atap ótti.
«Kóptegen memleketter kúrdeli jaǵdaıdy bastan keship otyr, áleýmettik shyǵystaryn qysqartýǵa májbúr bolyp, qolǵa alynǵan jobalardy toqtatyp jatyr. Sonyń saldarynan kóptegen elderde jumyssyzdyq órship tur. Biz ındýstrııalyq nysandar salýdy jalǵastyratn bolamyz, jańa naryqtar da ashylady. Jalpy alǵanda bizdiń daǵdarysqa qarsy ekonomıkalyq saıasat ekonomıkalyq ósimniń jańa kózderin ashý men ıelenýge ǵana baǵyttalyp otyrǵan joq. Meniń barlyq tapsyrmalarymnyń ózegi - qarapaıym halyqtyń dilgerliginen shyǵyp, jurtshylyqtyń ál-aýqatyn arttyrýǵa, turaqtylyqqa negizdeledi», - dedi Prezıdent.
Jıyn barysynda 2015 jyldyń áleýmettik-ekonomıkalyq damý qorytyndylary jáne aǵymdaǵy jylǵy josparlar týraly Ulttyq ekonomıka mınıstri Erbolat Dosaev baıandama jasady. Al 2015 jylǵy memlekettik bıýdjettiń oryndalýy týraly Qarjy mınıstri Baqyt Sultanov, aqsha-kredıttik saıasat týraly Ulttyq bank tóraǵasy Danııar Aqyshev baıandady.