Úkimetke jol qurylysyna qajetti resýrstardy óndirý jáne tutyný barysyn muqııat saralaý tapsyryldy

NUR-SULTAN. QazAqparat – Qazaqstanda jol qurylysyna qajetti materıaldyń bári bar. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Qazaqstanda jol qurylysyna qajetti materıaldyń bári bar. Biraq, otandyq óndiristiń áleýeti tolyq qoldanylmaıdy. Muny, tipti, qoldan jasalǵan tapshylyq deýge bolady. Mysaly, elimizde bıtým óndiretin úsh zaýyt bar. Soǵan qaramastan, 200 myń tonna bıtým jetispeıdi», - dedi Qazaqstan Prezıdenti.

Memleket basshysynyń atap ótýinshe, qurylys qarqyndy júrgen kezde bıtým baǵasy úsh ese, ıaǵnı bir tonnasy 90 myńnan 250 myń teńgege deıin qymbattap shyǵa keledi.

«Úkimetke jol qurylysyna qajetti resýrstardy óndirý jáne tutyný barysyn muqııat saralaýdy tapsyramyn. Sonyń negizinde qurylys materıaldaryn shyǵaratyn jańa kásiporyndar ashý qajet. Al, jumys istep turǵan nysandardy jańǵyrtý kerek», - dedi Qasym-Jomart Toqaev.