Úkimetke tórtinshi MÓZ-di salý sheshimin jedeldetý tapsyryldy

ASTANA. QazAqparat - Qazaqstanda tórtinshi munaı óńdeý zaýytyn salýǵa qatysty sheshim qabyldaýdy jedeldetý qajet. Bul týraly búgin Úkimettiń keńeıtilgen májilisinde Qazaqstan Prezıdenti Nursultan Nazarbaev aıtty, dep habarlaıdy QazAqparat.

«Munaı men gazdy qaıta óńdeý  mańyzdy baǵyt sanalady. Biz bul jaıynda aıttyq jáne salany damytatyn bolamyz. Ol qajet ári bul sala áli de uzaq ýaqyt basymdyqqa ıe bolady. Buǵan qosa, eldi janarmaımen qamtamasyz etý máselesi jıi kóteriledi», - dedi Elbasy.

Osy rette Nursultan Nazarbaev elimizdegi úsh  munaı óńdeý zaýytynyń jańǵyrtylǵandyǵyn atap ótti.

«Biz úsh munaı óńdeý zaýytyn jańǵyrttyq. Janar-jaǵarmaı tapshylyǵy taıaý 3-4 jylda jabylady. Qanat Bozymbaev (QR Energetıka mınıstri - avt.) solaı ǵoı? Odan keıin qaıtadan ımporttaıtyn bolamyz. Tez arada tórtinshi zaýyt salý qajettigin aıtqan kezde, sizder onyń qajet emestigin, bizde janar-jaǵarmaı jetkilikti bolyp, qaıda jibererimizdi bilmeı qalatynymyzdy aıtyp, dáleldedińizder. ıAǵnı, biz  problema qýyp jetken kezde jumys isteı bastaımyz. Sondyqtan qazirgi ýaqytta bul ispen aınalysyp jatqanyn bilemin jáne Qarashyǵanaqtaǵy ınvestorlarmen áńgime boldy. Munaı óńdeý  zaýyty boıynsha sheshim qabyldaýdy jedeldetý qajet», - dedi Qazaqstan Prezıdenti.