Úkimetke Pavlodar óńirin gazben qamtamasyz etý tapsyryldy

ASTANA. QazAqparat – Memleket basshysy Qasym-Jomart Toqaev Pavlodar oblysy jurtshylyǵymen kezdesýinde óńirdi gazdandyrý máselesin sheshýdi tapsyrdy, dep habarlaıdy QazAqparat tilshisi.

«Taǵy bir mańyzdy másele – gazdandyrý. Úkimet óńirdi gazben qamtamasyz etý joldaryn basym tártippen ázirleýi qajet. Bul «jasyl» kún tártibin tolyqqandy iske asyrý jáne naqty turaqty damý jolyndaǵy mańyzdy qadam bolmaq», - dedi Qasym-Jomart Toqaev.

Aıta keteıik, búgin Memleket basshysy Pavlodar oblysyna jumys saparymen bardy.

Buǵan deıin Q. Toqaev óndiristi kúsheıtý men ekologııany qorǵaý arasynda tepe-teńdikti saqtaý kerektigin a ıtqan edi .