Úkimetke kelesi jyly Pavlodarda jańa kópir salý tapsyryldy

ASTANA. QazAqparat – Pavlodardaǵy Ertisten ótetin eski kópir kólik-logıstıka salasyn damytýǵa múmkindik bermeı otyr. Memleket basshysy Qasym-Jomart Toqaev Úkimetke kelesi jyly jańa kópir qurylysyn bastaýdy tapsyrdy, dep habarlaıdy QazAqparat Aqordaǵa silteme jasap.

«Pavlodardyń orasan zor tranzıttik áleýeti bar. Biraq, Ertisten ótetin eski kópir kólik-logıstıka salasyn damytýǵa múmkindik bermeı otyr. Onyń apatty jaǵdaıda turǵanyna biraz jyl boldy. Kópir arqyly júk kólikteriniń júrýine tyıym salynǵan. Buǵan deıin oblys ortalyǵyn aınalyp ótýge jol ashatyn jańa kópir salý josparlanǵan. Úkimetke kelesi jyly osy jobany bastaýdy tapsyramyn. Joldy kútip ustaýǵa basa nazar aýdarý qajet», - dedi Prezıdent.

Foto:t.me/bort_01