Úkimet Joldaýdy iske asyrý jónindegi Jalpyulttyq jospar jobasyn Prezıdenttiń qaraýyna engizedi

NUR-SULTAN. QazAqparat – Barshamyz Memleket basshysy bastap bergen reformalardy tabandy iske asyrýǵa jaýaptymyz. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Joldaýda aıtylǵan mindetterdi iske asyrý úshin usynylyp otyrǵan reformalardy zańnamalyq qamtamasyz etý boıynsha aýqymdy jumys júrgizý kerek. Sondyqtan, Ádilet mınıstrligi osy jumystardy úılestirip, keıin Parlamentke engizý úshin memlekettik organdarmen birlesip, barlyq zań jobalaryn daıyndap talqylaýǵa qazirden bastap kirisýi qajet», - dep tapsyrdy Á. Smaıylov.

Premer-Mınıstrdiń aıtýynsha, jaqynda Mınıstrler kabıneti Joldaýdy iske asyrý boıynsha Jalpyulttyq jospar jobasy Prezıdenttiń qaraýyna engizedi.

«Kelesi otyrysta biz Joldaýdy iske asyrý jónindegi Jalpyulttyq jospar jobasyn Memleket basshysynyń bekitýine engizýimiz qajet. Qazir arqany keńge salatyn zaman emes. Barshamyz Memleket basshysy bastap bergen reformalardy tabandy iske asyrýǵa jaýaptymyz. Biz halqymyzdyń senimin aqtaýǵa tıispiz. Sondyqtan, osy iske asa jaýapkershilikpen shuǵyl kirisýdi tapsyramyn», - dedi Úkimet basshysy.

Budan buryn habarlanǵandaı, Álıhan Smaıylov qabyldanǵan sharalar elimizde baǵanyń ósýin tejeýge oń yqpal etýi tıis ekenin aıtty.

Úkimet basshysy Abaı, Ulytaý, Jetisý oblystarynyń qurylýy jergilikti turǵyndardyń problemalaryn jedel sheshýge múmkindik beretinin atap ótti.