Úkimet úıinde qazirgi geosaıası ahýaldyń Qazaqstan ekonomıkasyna áseri talqylandy
Búgin QR Premer-Mınıstri Álıhan Smaıylov Investıtsııalyq ahýaldy jaqsartý jónindegi keńes otyrysyn ótkizdi. Onda halyqaralyq ekonomıkalyq ózara is-qımyldyń ózekti máseleleri qaraldy.
Іs-sharaǵa QR amerıkalyq saýda palatasynyń atqarýshy dırektory Dorıs Bredberı, Ulybrıtanııanyń Qazaqstan Respýblıkasyndaǵy elshisi Ketı Lıch, Eýropalyq odaq delegatsııasynyń Qazaqstan Respýblıkasyndaǵy elshisi Kestýtıs ıAnkaýskas, EQDB-nyń Qazaqstan boıynsha dırektory Hýseın Ojan, EYDU Eýrazııalyq bólimshesiniń basshysy Ýılıam Tompson, NCOC basqarýshy dırektory Olıve Lazar, «ArselorMıttal Temirtaý» bas atqarýshy dırektory Bıdjý Naır, Philip Morris International óńirlik dırektory Hýan Karlos Eskobar, sondaı-aq QR ortalyq memlekettik organdarynyń basshylary qatysty.
Otyrysqa qatysýshylar qazirgi geosaıası ahýaldyń Qazaqstannyń ınvestıtsııalyq qoǵamdastyǵyna, logıstıka jáne bank isine áserin talqylady.
Búgingi tańda kólik-logıstıka júıeleri Halyqaralyq ekonomıkalyq qatynastardyń eń osal sektory ekeni atap ótildi.
Otyrys barysynda QR Premer-Mınıstri syrtqy ekonomıkadaǵy kúızelisterge qaramastan, Úkimette yqtımal daǵdarystyq qubylystardy eńserý úshin barlyq qajetti quraldar men resýrstar bar ekenin atap ótti.
«Búgin aıtylǵan barlyq usynystar pysyqtalyp, Úkimet jumysynda eskeriletin bolady», — dedi Álıhan Smaıylov.