Úkimet «Ulttyq rejımnen alyp tastaýdy belgileýdiń keıbir máseleleri týraly» qaýly qabyldady
Qujat qolda bar óndiristik qýattardyń júktelýin, jumys oryndarynyń saqtalýyn qamtamasyz etýge múmkindik beredi jáne jalpy alǵanda, otandyq jeńil, jıhaz ónerkásibi jáne mashına jasaý salalaryn odan ári damytýdy yntalandyrady.
Memlekettik satyp alýdy júzege asyrý kezinde ulttyq rejımnen alyp tastaý 2 jyl boıy qoldanylatyn bolady.
Indýstrııa jáne ınfraqurylymdyq damý mınıstrligi memlekettik satyp alý jónindegi ýákiletti organǵa taýarlardyń, jumystardyń, kórsetiletin qyzmetterdiń biryńǵaı nomenklatýralyq anyqtamalyǵyna sáıkes kodtaryn kórsete otyryp, jıhaz jáne jeńil ónerkásip taýarlarynyń tizbesin usyndy.
Ulttyq rejımnen alyp tastaýǵa jatatyn mashına jasaý taýarlarynyń tizbesine lıftiler, travolatorlar, ekskalatorlar jáne jyljymaly jaıaý júrginshi joldary, avtomattandyrylǵan gaz taratý stantsııalary, bloktyq gaz retteýshi, gaz ólsheý qondyrǵylarynyń (stantsııalary) pýnktteri, jıyntyq taratý qurylǵylary jáne orta jáne tómen kerneýli qosalqy stantsııalar, ashyq taratý qurylǵylary, ıntegratsııasy, tsıfrlyq relelik qorǵanysy jáne tsıfrlyq basqarýy bar jıyntyq transformatorlyq qosalqy stantsııalar, RQA tsıfrlyq qurylǵylary, joǵary voltty ajyratqyshtar men aıyrǵyshtar, kombaındar, traktorlar, ershikti tartqyshtar, avtobýstar, jeńil jáne júk avtomobılderi, arnaıy tehnıka, gaz, suıyqtyq jáne elektr energııasyn berý eseptegish quraldary kiredi.