Úkimet ulttyq qordan taǵy 800 mlrd teńge almaqshy
«2023 jyly respýblıkalyq bıýdjettiń kiristeri bekitilgen jospardan 720 mlrd teńgege óse otyryp, JІÓ-niń 12,1% nemese 14,6 trln teńge deńgeıinde boljanyp otyr. Respýblıkalyq bıýdjetke qosymsha túsimder kiris bazasyn ulǵaıtý, salyqtyq jáne kedendik ákimshilendirýdi jaqsartý, tsıfrlandyrý boıynsha Úkimet qabyldap otyrǵan sharalar esebinen qamtamasyz etiledi», - dedi vıtse-mınıstr.
Naqtyraq aıtsaq, bıýdjet kirisi birjolǵy túsimder esebinen 316 mlrd teńgege, salyqtyq jáne kedendik ákimshilendirýdi jaqsartý esebinen 404 mlrd teńgege ulǵatylmaq.
«Sonymen qatar, ulttyq deńgeıdegi áleýmettik mańyzy bar jobalardy jáne strategııalyq mańyzdy ınfraqurylymdyq jobalardy qarjylandyrý úshin ulttyq qordan 800 mlrd teńge kóleminde nysanaly transfert qosymsha tartylady. 2023 jyly bıýdjet tapshylyǵyn 3,2 trln teńge kóleminde nemese JІÓ-niń 2,7% deńgeıinde saqtaý usynylady. Osyny eskere otyryp, respýblıkalyq bıýdjettiń shyǵystary bekitilgen kólemnen 1,5 trln teńgege ulǵaıyp, 22,5 trln teńgeni quraıdy», - dedi Baýyrjan Omarbekov.