Úkimet «Táýekelderdi baǵalaý júıesi» zań jobasyn bir ǵana táýekelderdi baǵalaýmen baılanysty aılaly áreketteri úshin tez arada keri shaqyrýǵa mindetti - A.Perýashev

ASTANA. 6 qarasha. QazAqparat - Úkimet «Táýekelderdi baǵalaý júıesi» zań jobasyn bir ǵana táýekelderdi baǵalaýmen baılanysty aılaly áreketteri úshin tez arada keri shaqyrýǵa mindetti. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Parlamenti Májilisiniń depýtaty Azat Perýashev aıtty.

Onyń aıtýynsha, qazir Májiliste «Azamattyq qorǵaý týraly» zań jobasymen jumys aıaqtalyp keledi, ekinshi oqylym 20 qarashaǵa josparlanǵan. Osy zań jobasynda Tótenshe jaǵdaılar mınıstrligimen «Táýekelderdi baǵalaý júıesi» zańdastyrylady. Oǵan sáıkes baqylaýshy organdardyń tekserýinen qutylýdy qalaıtyn Órtke qarsy komıtet sııaqty kásiporyndar, TJM-de akkredıttelgen «táýekelderdi táýelsiz baǵalaýdy» júrgizetin áldebir jeke uıymmen kommertsııalyq shart jasaýy qajet. «Bul - tikeleı zańnamamen, Prezıdent jarlyqtaryn qosa alǵanda, ruqsat etilmegen, memlekettik baqylaý qyzmetin kommertsııalandyrýdyń naǵyz ózi. Negizinde, táýekelderdi baǵalaý júıesi, Prezıdent ádil atap ótkendeı, ońtaılandyrý, tekserýlerdi qysqartý úshin engizilgen. Al, TJM kásiporyndardy olardy taǵy da teksermes úshin tóleýge májbúrleı otyryp, budan saýyn sıyrdy qalaı jasaýdy oılap tapty. Mundaı «jańashyl ıdeıalar» osy zańda jetip artylady», - dedi ol.

A.Perýashevtiń sózine qaraǵanda, mınıstr V.Bojko osy synnan keıin baspasózde «Aq joldyń» usynystary azamattyq qorǵaýdyń qoldanystaǵy júıesine qaýip tóndiredi dep málimdegen. «Men birden onyń ózin tikeleı efırde bizdiń zańǵa degen talap-tilekterimizdi talqylaýǵa shaqyrdym, alaıda ol únsiz qaldy. Al, bizge mıllıondaǵan halqy bar qalany jer silkinisi dúr silkindirip, megapolıs áýre-sarsańǵa túskende, mınıstr bul týraly ony oıatqan vıtse-premerden bilip jatatyn mundaı júıeniń keregi joq»,- dedi depýtat.

Halyq qalaýlysynyń atap ótýinshe, kólemi 107 paraqtan turatyn qujatqa depýtattar 1500-den artyq túzetýler engizgen. «Ár paraqqa 14 túzetýden - oqýshylarǵa osyndaı mólsherdegi qateleri úshin suramaı-aq eki qoıady, al biz bul zańdy sybaılas jemqorlyqty týdyratyn talaptarymen qabyldaǵaly jáne oryndaǵaly turmyz. Eger Úkimet Prezıdentti tyńdasa - onda osy zań jobasyn bir ǵana táýekelderdi baǵalaýmen baılanysty aılaly áreketteri úshin tez arada keri shaqyrýǵa mindetti», - dedi ol.