Úkimet taýarlardy tańbalaýdyń biryńǵaı operatoryna qatysty túsinik berdi
Aıta keteıik, Májilistiń jalpy otyrysynda depýtat Danııa Espaeva ulttyq ekonomıkalyq múddelerdi qorǵaý maqsatynda Eýrazııalyq ekonomıkalyq komıssııaǵa tańbalaýǵa jatatyn taýarlar tizbesin keńeıtýdi toqtata turý týraly usynys engizý kerek ekenin aıtty.
Sonymen qatar depýtattar tańbalaý operatorynyń fýnktsııalaryn memleketke berýdi jáne taýarlardy tańbalaýdan qarajattyń el bıýdjetine túsýin qamtamasyz etýdi surdy.
«Taýarlardy tańbalaý jáne qadaǵalaý jobasynyń negizgi maqsaty EAEO elderi arasynda kedergisiz saýdany qamtamasyz etý bolyp sanalatynyn eskere otyryp, EAEO memleketterinde tańbalaý operatorlary jumys isteıdi. Operatorlyq ınstıtýty EEK sheshimderinde kózdelgen. Túrli taýar toptary naryqtarynyń jumysyn úılestirý jáne elderi arasynda taýarlardyń erkin qozǵalysy úshin biryńǵaı qaǵıdalar qajet. Qazaqstanda taýarlardy tańbalaýdyń biryńǵaı operatory Reseı, Belarýs, Armenııa jáne Qyrǵyzstan aýmaǵyndaǵy osyndaı operatorlarmen ózara is-qımyl arqyly osyndaı úılestirýdi qamtamasyz etedi», - dedi Á. Smaıylov depýtattyq saýalǵa jaýap bere otyryp.
«Saýda qyzmetin retteý týraly» Qazaqstan Respýblıkasy Zańynyń 1-babynyń 41 tarmaǵynda taýarlardy tańbalaý men olardyń qadaǵalanýynyń biryńǵaı operatory uǵymy kózdelgen. Ol Qazaqstan Respýblıkasynyń zańnamasyna sáıkes qurylǵan, taýarlardyń ulttyq katalogyn ázirleýdi, júrgizýdi ári ózekti etýdi qosa alǵanda, taýarlardy tańbalaý men olardyń qadaǵalanýynyń aqparattyq júıesin ázirleýdi, ákimshilendirýdi, qoldap otyrýdy jáne paıdalanýshylyq qoldaýdy, sondaı-aq QR Úkimeti aıqyndaǵan ózge de fýnktsııalardy iske asyrady.
Sonymen birge, Zańnyń 6-babynyń 11-2) tarmaǵyna sáıkes, Úkimet biryńǵaı operatordy aıqyndaý talaptary men tártibin, taýarlardy tańbalaý men olardyń qadaǵalanýynyń aqparattyq júıesine qoıylatyn talaptardy bekitedi, sondaı-aq konkýrs qorytyndylary boıynsha biryńǵaı operatordy aıqyndaıdy.
Joǵaryda atalǵan erejeni oryndaý úshin Úkimettiń 2019 jyldyń 10 qyrkúıektegi 672 «Taýarlardy tańbalaý men olardyń qadaǵalanýynyń biryńǵaı operatoryn aıqyndaý qaǵıdalaryn jáne taýarlardy tańbalaý men olardyń qadaǵalanýynyń aqparattyq júıesine qoıylatyn talaptardy bekitý týraly» qaýlysy qabyldandy.
Sonymen qatar, tıisti buıyryq boıynsha básekelestik komıssııanyń jáne saraptama tobynyń quramy, básekelestik qujattama, taýarlardy tańbalaý men olardyń qadaǵalanýynyń aqparattyq júıesin testileý jospary, konkýrsty merzimderi bekitildi.
Osy buıryqqa sáıkes, jaýypty mınıstrlik konkýrs ótkizdi, oǵan tórt kompanııa qatysty («QR«Ulttyq bankiniń Banknot fabrıkasy» ShJQ RMK, «Transtelekom» AQ, «Logıkom» AQ, «Qazaqtelekom» AQ), olardyń ekeýi sońǵy kezeńge ruqsat aldy.
«Konkýrs barysynda jáne onyń qorytyndysy boıynsha sheshimdi quramyna ortalyq memlekettik organdardyń (SIM, Qarjymıni, IIDM, UEM, Ádiletmıni, DSM, AShM, TsDIAÓM) basshylary men birinshi basshylarynyń orynbasarlary jáne «Atameken» UKP kiretin bólimaralyq básekelestik komıssııa qabyldady. Ótkizilgen konkýrs qorytyndysy boıynsha «Qazaqtelekom» AQ jeńimpaz bolyp ataldy jáne Qazaqstan Respýblıka Úkimetiniń «Taýarlardy tańbalaý men qadaǵalaýdyń biryńǵaı operatoryn aıqyndaý týraly» qaýlysyna sáıkes, osy mártebeni zańdy túrde aldy. 2020 jyldyń 3 naýryz 95 buıryǵy. «Qazaqtelekom» AQ Ulttyq kompanııa mártebesine ıe jáne «SamuryqQazyna» UÁQ» AQ portfeldik kompanııalarynyń qataryna kiretiniń atap ótemiz», - dedi Úkimet basshysy.