Úkimet syrtqy qaryzdy qalaı azaıtady
Onyń aıtýynsha, búginde elimizdiń syrtqy qaryzy 165 mlrd dollardy qurap otyr. Atalǵan aqshanyń tórtten bir bóligi - memlekettik qaryz, biraq ulttyq kompanııalardyń syrttan alǵan qarjysy odan da kóp bolyp tur. Sondyqtan jyldyń sońyna deıin osy bereshektiń somasyn eki protsentke azaıtý josparlanǵan. "Kvazımemlekettik sektordyń, ıaǵnı ulttyq kompanııalardyń qaryzy tym kóp. Іshki jalpy ónimniń 27 protsentin kvazımemlekettik sektordyń qaryzy alyp otyr. Jyldyń aıaǵyna deıin atalǵan kórsetkish 25,1 protsentke túsedi degen jospar bar. Sosyn búginde ulttyq kompanııalar syrttan qaryz alsa, ol aqshany ne úshin alatynyn jáne qaıda jumsaıtynyn kórsetýi kerek. Ol úshin arnaıy vedomstvoaralyq komıssııaǵa ótinim beriledi. Barlyq memlekettik organdar syrttan aqsha alý qajet pe, joq pa, sonyń bárin saraptap shyǵady. Sonyń negizinde komıssııa óz sheshimin shyǵarady. Bul - zańnyń talaby. Budan bólek, qarjy mınıstrligi tikeleı baqylaý sharalaryn júrgizip otyrady. Osynyń nátıjesinde kvazımemlekettik sektordyń qaryzy jyldyń sońynda 2 protsentke tómendeıdi degen josparymyz bar", - dedi T.Súleımenov xalyqqa esep berý kezdesýi kezinde.
Mınıstrdiń sózine qaraǵanda, memlekettik qaryzǵa Úkimet, Ulttyq bank pen jergilikti atqarýshy organdardyń bereshegi kiredi. "Qazir memlekettik qaryzdyń kólemi shamamen 40 mıllıard dollardy qurap otyr. Negizi, fıskaldy saıasat boıynsha atalǵan somany baqylaý qıyn emes. Barlyq esep-qısaptar ýaqytynda tapsyrylady", - dep atap kórsetti T.Súleımenov.
Aıta keteıik, búgingi kezdesý kezinde mınıstr baılyqqa salyq salý máselesine qatysty óz oıyn aıtty. Onyń aıtýynsha, jaqynda krıptovalıýta máselesi arnaıy keńestiń talqylaýyna shyǵarylady. Bas ekonomıst qaı mamandyqtardyń joıylatynyn da aıtty.