Úkimet «Shevron» korporatsııasynyń elimizdegi qyzmetine qoldaý kórsetedi - QR Premer-Mınıstri

ASTANA. 13 jeltoqsan. QazAqparat - Búgin Úkimet úıinde QR Premer-Mınıstri Serik Ahmetov «Shevron» korporatsııasynyń bas atqarýshy dırektory, dırektorlar keńesiniń tóraǵasy Djon Ýotsondy qabyldady.

Kezdesý barysynda taraptar ekijaqty yntymaqtastyq sheńberin keńeıte túsý máselesin talqylady.

D. Ýotson Qazaqstandaǵy ken oryndaryn ıgerýdegi jobalardy júzege asyrý jáne «Shevronnyń» respýblıkadaǵy qyzmetiniń bolashaǵy týraly baıandady.

«Biz «Shevronnyń» Qazaqstandaǵy qyzmetin únemi qadaǵalap otyramyz, sondyqtan onyń bolashaqtaǵy jobalary bizge jaqsy tanys. Jalpy, Úkimet munaı jáne gaz mınıstrligi arqyly sizderdiń bizdiń eldegi qyzmetterińizdi qolaıdy», dedi S. Ahmetov.

Óz kezeginde, D. Ýotson ótken 20 jylda kompanııa basshylyǵy Qazaqstan Úkimetimen tyǵyz áriptestik qarym-qatynas ornata bilgenin, sondyqtan da «Shevron»-nyń Qazaqstandaǵy jumysyna maqtanyshpen qaraıtynyn jetkizdi.

«Osy jyly korporatsııa óz tarıhynda ǵana emes, bizdiń ǵalamdyq jobalardyń ishinde eń iri kúrdeli jóndeý júrgizdi. Biz bul úshin qosymsha 6500 jumysshy tarttyq. Negizinde barlyq jumys qazaqstandyq qyzmetkerler men kompanııalardyń kúshimen atqaryldy. Bul bolashaqta ken óndirý kólemin barynsha kóbeıtýge múmkindik beredi», - dedi « Shevronnyń» basshysy.