Úkimet rezervinen Almaty oblysy ákimdigine 432 mln teńge bólinedi
Ashyq normatıvtik-quqyqtyq aktiler portalynda jarııalanǵan Úkimet qaýlysynyń jobasynda aıtylǵandaı, Indýstrııa jáne ınfraqurylymdyq damý mınıstrligine 2023 jylǵa arnalǵan respýblıkalyq bıýdjette kózdelgen QR Úkimetiniń shuǵyl shyǵyndarǵa arnalǵan rezervinen qonys aýdarǵan memlekettik qyzmetshilerdi qyzmettik ornalastyrý úshin kommýnaldyq menshikke turǵyn úıdi satyp alýǵa Almaty oblysynyń ákimdigine aǵymdaǵy nysanaly transfertter túrinde 432 432 000 teńge somasynda qarajat bólinedi.
Qujatqa sáıkes, Indýstrııa jáne ınfraqurylymdyq damý mınıstrligi, Almaty oblysynyń ákimdigi osy qaýlydan týyndaıtyn is-sharalardy qabyldaıdy. Al Qarjy mınıstrligi zańnamada belgilengen tártippen bólingen qarajattyń nysanaly paıdalanylýyn baqylaýdy qamtamasyz etedi.
Sonymen qatar Almaty oblysy ákimdigi 2023 jylǵy 1 jeltoqsanǵa deıingi merzimde Indýstrııa jáne ınfraqurylymdyq damý mınıstrligine bólingen qarajatty nysanaly paıdalaný jónindegi esepti usynady. Indýstrııa jáne ınfraqurylymdyq damý mınıstrligi 2023 jylǵy 20 jeltoqsanǵa deıingi merzimde Qarjy mınıstrligine bólingen qarajattyń nysanaly paıdalanylýy jóninde esep beredi.
Qaýly jobasy 22 tamyzǵa deıin qoǵamdyq talqylaýǵa shyǵarylyp otyr.