Úkimet pen Ulttyq bank halyqty qoldaýdyń qosymsha sharalar paketin ázirleıdi
«Biz bıznestiń de mindettemesin baqylaýymyz kerek. Birinshi kezekte, jumys oryndary men aılyqtyń saqtalýyna nazar aýdarylýy tıis. Úkimet pen «Atameken» bıznes mindettemesiniń tsıfrlyq turǵyda baqylanýy boıynsha jumysty 2 aıdyń ishinde aıaqtaýy kerek», - dedi Qasym-Jomart Toqaev Úkimettiń keńeıtilgen otyrysynda.
Sonymen birge Prezıdent Úkimet pen Ulttyq bankke jaǵdaı ýshyqqan jaǵdaıdaǵy halyq pen salalardy qoldaýdyń qosymsha sharalar paketin ázirleýdi tapsyrdy.
«Sondaı-aq memlekettik qoldaý barynsha tıimdilikke jumsalýy tıis. Biz bıýdjettik tsıklda turmyz. Qarjylyq basymdyqtardy aıqyndaıtyn múmkindik bar. Bastysy – ekonomıka men jumys oryndary», - dedi ol.
Aıta keteıik, vıdeobaılanys arqyly ótip jatqan jıynda Úkimet 2020 jyldyń alǵashqy jarty jyldyǵyndaǵy elimizdiń áleýmettik-ekonomıkalyq damý qorytyndysy týraly esep berdi. Sondaı-aq koronavırýsqa qarsy kúreske qatysty qabyldanǵan sharalar, Memleket basshysynyń Úkimettiń aldaǵy ýaqytta atqaratyn jumysynyń negizgi baǵyttary boıynsha bergen tapsyrmalary men mindetteri qarastyryldy.
Elimizdiń áleýmettik-ekonomıkalyq damýynyń qorytyndylary men jyl sońyna deıin oryndaıtyn mindetter jóninde Premer-Mınıstr Asqar Mamın, aqsha-nesıe saıasatyna qatysty sharalar týraly Ulttyq banktiń tóraǵasy Erbolat Dosaev, elimizdegi epıdemıologııalyq ahýaldy jaqsartý jónindegi sharalar týraly Densaýlyq saqtaý mınıstri Alekseı Tsoı baıandama jasady.