Úkimet paıdaly qazbalardy óndirý salyǵyn tómendetý boıynsha munaı óndiretin kompanııalardyń 2 ótinimin qanaǵattandyrdy
Bul týraly búgin Ortalyq kommýnıkatsııalar qyzmetindegi baspasóz máslıhatynda QR Energetıka birinshi vıtse-mınıstri Uzaqbaı Qarabalın málim etti.
Onyń sózine qaraǵanda, búginde paıdaly qazbalardy óndirý salyǵyn tómendetý turǵysynda jalpy 5 ótinim kelip túsken kórinedi.
«QR Ulttyq ekonomıka mınıstrligi janynda arnaıy komıssııa jumys isteýde. Olar qazirgi ekonomıkalyq ahýalda ken ornynyń geologııalyq kúrdeli erekshelikterine baılanysty tıimsiz bolyp qalǵan kompanııalar úshin paıdaly qazbalardy óndirý salyǵyn tómendetý boıynsha jer qoınaýyn paıdalanýshylardyń ótinimderin qarastyrady. Búginde kelip túsken 5 ótinimniń ekeýi boıynsha oń sheshim shyǵarylyp, qazirgi kezde Úkimettiń tıisti qaýlysy shyǵarylýda. Qalǵan ótinimder qarastyrylyp jatyr»,-dedi mınıstrdiń orynbasary.