Úkimet otandyq taýar óndirýshilerdi qoldaýǵa baǵyttalǵan zań jobasyn ázirlep jatyr

NUR-SULTAN. QazAqparat – QR Premer-mınıstri Asqar Mamın otandyq taýar óndirýshilerdi qoldaý baǵytynda qandaı sharalar qabyldanatynyn málim etti, dep habarlaıdy QazAqparat tilshisi.

«Samuryq-Qazyna» qory basymdyqqa ıe tártip boıynsha jumysty kúsheıtip, Elbasy Nursultan Nazarbaevtyń bastama etip kótergen jeńildetilgen nesıeleý jáne qarapaıym ekonomıka zattary baǵdarlamasy aıasynda kásiporyndarymyz shyǵaryp jatqan otandyq ónimderdi satyp alyp jatyr. Qazirgi tańda tórt sala boıynsha qor jergilikti quram úlesin 60 paıyzǵa jetkizdi. Jumysty jaqsartý boıynsha mańyzdy baǵyttardyń biri – otandyq qurylys materıaldary men jabdyqtaryn paıdalaný. Máselen keı kezde tapsyrys berýshiniń jobalyq qujattamalarynda dál osy taýarlardyń aımaqtarymyzda shyǵarylyp jatqanyna qaramastan aldyn ala ımporttyq materıaldar qarastyrylady», - dedi Asqar Mamın elordada ótip jatqan «Samruk Business Forum» sharasynda.

Osyǵan baılanysty Qazaqstan Úkimeti «Samuryq-Qazyna» qorymen birge ulttyq standarttar men otandyq ónimdi paıdalaný máselesine erekshe nazar aýdarmaq.

«Bıyldan bastap Úkimet tıisti zań jobasyn ázirleýdi bastap ketti. «Samuryq-Qazyna» qorynyń sátti tájirıbesi mysal retinde qaralyp, rettelgen barlyq satyp alý sharalarynda, sonymen qatar memlekettik organdardyń, kvazımemlekettik kompanııalardyń qajettilikterinde de paıdalanylýy kerek. Olardyń birlesken kólemi óte aýqymdy – shamamen 15 trln teńgege jetedi», - dedi ol.

Eske sala ketsek jatqan «Samruk Business Forum» forýmyna Úkimet basshysy Asqar Mamın, «Samuryq-Qazyna» UÁQ» AQ basqarma tóraǵasy Ahmetjan Esimov, «Atameken» UKP basqarma tóraǵasy Abylaı Myrzahmetov qatysty.