Úkimet memlekettik satyp alýlar týraly jańa redaktsııadaǵy zań jobasyn ázirleıtin bolady - B. Sultanov
«Elbasy N. Nazarbaev qazirgi tańdaǵy memlekettik satyp alý júıesindegi bıýdjet qarajattaryn tıimdi jumsaý basty problemalardyń biri ekenin aıtyp ádil synady. Bul úderisterdiń kúrmeýli qalýy sybaılas jemqorlyqqa, sondaı-aq ekonomıkanyń ornyqty damýyna keri áserin tıgizedi. Osyǵan baılanysty, Úkimet memlekettik satyp alýlar týraly jańa redaktsııadaǵy zań jobasyn ázirleýdi josparlap otyr», - dedi mınıstr B. Sultanov.
Onyń aıtýynsha, jańa redaktsııadaǵy zań jobasynda Qazaqstannyń halyqaralyq kelisimder boıynsha qabyldaǵan mindettemeleri, ońtaıly quqyq qoldaný tájirıbeleri jáne praktıkalyq tájirıbe qorytyndylary boıynsha elektrondyq satyp alýlardyń ótkizilýin jeńildetetin normalar kórinis tabatyn bolady. «Biryńǵaı uıymdastyrýshy jumystarynyń alǵashqy nátıjeleri de eskeriletin bolady», - dedi ol.