Úkimet «Qorǵas» arnaıy ekonomıkalyq aımaǵyna baılanysty barlyq problemalardy tyńǵylyqty qaraıtyn bolady - QR Úkimet basshysy
Premer-Mınıstr óz sózinde kóliktik-logıstıkalyq ortalyqtardyń ulttyq jelisin qalyptastyrý sharalaryn jedeldetý qajettigin basa aıtty. Sondaı-aq Qytaıdyń Lıanıýngan portynda termınal ınfraqurylymy qurylysyn jáne Aqtaý portyn keńeıtý jumystaryn aıaqtaý, «Qorǵas» pen «Aqtaý teńiz porty» arnaıy ekonomıkalyq aımaqtary qyzmetterin uıymdastyrý jumystaryn belsendirý qajettigine nazar aýdartty.
«Qorǵas - Shyǵys qaqpasy» máselesi erekshe nazar aýdarýdy talap etedi. Meniń oıymsha, biz ary ketkende kelesi aıdyń basynda «Qorǵas» erkin ekonomıkalyq aımaǵymen baılanysty barlyq problemalardy tyńǵylyqty qarastyramyz», - dedi S.Ahmetov.
Osy rette Úkimet basshysy «Qazaqstan temir joly» kompanııasyna ókiletti organdarmen birlesip, ótkizý shekara beketterinde vagondardyń turyp qalyp faktilerin joıý qajettigin erekshe eskertti. «Bul tasymaldaý merzimine teris áser etedi ári júk jóneltýshini shyǵynǵa ushyratady», - dedi ol.