Úkimet Qazaqstan Respýblıkasynyń 2020 jylǵa deıingi ınnovatsııalyq damý tujyrymdamasyn bekitti
Atalǵan qujatty tanystyrǵan QR Indýstrııa jáne jańa tehnologııalar mınıstri Áset Isekeshevtiń atap ótýinshe, memlekettik qoldaý sharalarynyń nátıjesinde ınnovatsııanyń damýynda óń úrdis baıqalyp, bıznes pen qoǵam ınnovatsııalyq qyzmetke zor qyzyǵýshylyq kórsete bastady. máselen, 2011 jyldyń qorytyndysy boıynsha, ınnovatsııalyq belsendi kásiporyndardyń úlesi 5,7 paıyzǵa artty. Innovatsııalyq ónimderdiń kólemi 65,9 paıyzǵa ósti. Álemdik deńgeımen salystyrǵanda 5,7 paıyzdyq kórsetkish óte tómen. Degenmen sońǵy jyldary ınnovatsııalyq belsendiliktiń ortasha deńgeıi 4 paıyzǵa da jete almaǵan bolatyn.
«Tujyrymdama maqsaty ekonomıkaǵa, ál-aýqattyń joǵary bilimı deńgeıi men halyqtyń ómir sapasyna baǵyttalǵan qoǵam qalypastyrý bolyp aıqyndalǵan. Osy maqsattardy basshylyqqa ala otyryp eki negizgi mindetti júzege asyrý boljanady», - dedi ol.
Á. Isekeshevtiń aıtýynsha, birinshi mindette tehnologııalaý boljamdaýdyń nátıjesinde anyqtalǵan tehnologııalar damytylady. Al ekinshi mindette keshendilik arqyly ınnovatsııalyq qyzmetti qoldaý júıesin qalyptastyrý, ınnovatsııalyq júıeniń barlyq elementterin tartý qamtamasyz etiletin bolady.