ÚKІMET QAIDA QARAP OTYR: Mınıstrler kabıneti bir sáttik kórsetkishterdiń sońynda júr - Májilis depýtaty

ASTANA. 4 qarasha. QazAqparat - Úkimet bir sáttik kórsetkishterdiń sońynda júr. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Parlamenti Májilisiniń depýtaty Aıgúl Soleveva aıtty.

Brıfıng barysynda «Qazaqstan» ulttyq arnasy tilshisiniń «Úkimet Elbasynyń synynan sabaq alyp, óńirlerde kemshilikterdi joıý baǵytyndaǵy ilgerileýshilik bar ma», - degen saýalyna jaýap bergen ol óńirlerde esh ilgerileýshiliktiń baıqalmaıtyndyǵyn ashyq aıtty. «Meniń oıymsha, baıaǵy jartas, sol jartas. Ózderińiz kórdińizder me? Men áli kórmedim. Múmkin ózderiniń ishinde qarbalas jumys júrip jatqan da shyǵar. Biraq, ony kórmedim, elde bolǵanymyzda halyq bizge Elbasynyń syny ádil bolǵanyn aıtyp, Úkimet tarapynan qandaı sharalardyń qolǵa alynǵanyn suraıdy. Al biz eshteńe bilmegendikten, aıta almaımyz. Sondyqtan bizge qolǵa alǵan jumystary jaıynda aqparat berýleri kerek»,- dedi A.Soloveva. Sonymen qatar ol qazirgi ýaqyttaǵy Úkimettiń jumysyn úshke baǵalaıtynyǵyn atap ótti.