ÚKІMET QAIDA QARAP OTYR: Memlekettik satyp alýlar boıynsha tender ótkizý jaýapkershiliginen basshylardyń jaltarýy qaǵıdaǵa aınalǵan - M.Bashımov

ASTANA. 2 qarasha. QazAqparat - Memlekettik satyp alýlar boıynsha tender ótkizý jaýapkershiliginen basshylardyń jaltarýy qaǵıdaǵa aınalǵan. Mundaı pikirdi búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte zań ǵylymynyń doktory, sarapshy Marat Bashımov bildirdi.

«Birinshi basshylardyń jaýapkershilikten jaltarý máselesi qaǵıdaǵa aınalǵan. Birqatar basshylar tenderlik qujattarǵa qol qoıǵylary, sonymen qatar tenderlik komıssııanyń basshysy bolǵylary kelmeıdi. Degenmen, Memleket basshysy: «Sender ne istep júrsińder? Sender jaýap beresińder. Máseleniń baıybyna baryńdar. Bıýdjet aqshasyna qatysty aıtar bolsam, sender jeke jaýap berýleriń kerek», - deıdi. Menińshe, bul barynsha ádil», - dedi ol.

Esterińizge sala keteıik, 2013 jylǵy 11 qazandaǵy Úkimettiń keńeıtilgen otyrysynda QR Prezıdenti N.Nazarbaev memlekettik satyp alýlarǵa tender óktizýdegi oryn alyp otyrǵan tájirıbeni synǵa alǵan bolatyn. «Birinshi basshylardyń ózderi memlekettik komıssııanyń tóraǵasy bolsyn. Memlekettik satyp alý júıesin jetildirý boıynsha birneshe ret tapsyrma berildi. Qazirgi ýaqytta zań jobasy ázirlenýde, ony jedeldetý qajet. Barlyq bir úlgili taýarlar konkýrstaryn, aýktsıondaryn ortalyqtandyrý kerek. Jańa zań muny sheshetin bolady. Birińǵaı uıymdastyrýshyǵa memlekettik organdar úshin satyp alýlar boıynsha mamandar shtatyn bersin, osyǵan balama qurylymdar jergilikti deńgeıde qurylsyn», - degen edi Elbasy.