Úkimet qaýlysymen tehnıkalyq retteý men sapa ınfraqurylymyn qurýdyń jańa salalyq baǵdarlamasy bekitildi

ANA. 11 qarasha. QazAqparat /Qanat Mámetqazyuly/ - Úkimet qaýlysymen 2010-2014 jyldarǵa arnalǵan tehnıkalyq retteý men sapa ınfraqurylymyn qurýdyń jańa salalyq baǵdarlamasy bekitildi. Bul týraly búgin 11 qarasha, Halyqaralyq sapa kúnine oraı Indýstrııa jáne jańa tehnologııalar mınıstrligi Tehnıkalyq retteý jáne metrologııa komıtetiniń tóraǵasy Ǵabıt Muhambetov málim etti.

Komıtet tóraǵasynyń aıtýynsha, atalǵan salalyq baǵdarlama Údemeli ındýstrııalyq-ınnovatsııalyq baǵdarlamany júzege asyrý sheńberinde ázirlengen. «Bul baǵytta bizdiń aldymyzǵa naqty ári mańyzdy eki mindet júktelip otyr. Bunyń birinshisi, otandyq naryqty qaýipti, sapasyz ónimderden qorǵaý. Ekinshi basty mindet - elimizde básekege qabiletti ónimderdi shyǵarý úshin keńinen jaǵdaılar jasaý sharalary kózdeledi. Sonymen birge, jańa salalyq baǵdarlama aıasynda otandyq taýarlardy halyqaralyq naryqqa shyǵarýǵa qatysty máseleler de oryn alyp otyr», - dedi Ǵ. Muhambetov.