Úkimet qalaǵa jumys kúshin tartýdy retteıtin tetikterdi jasaýy tıis - senator
"Qazirgi kezde qoǵamdaǵy eń túıtkildi problemalardyń biri - memlekettimizdiń dińgegi bolyp sanalatyn otbasy qundylyǵynyń daǵdarysy. ıAǵnı, nekesiz bala týýdyń ósýi, ajyrasýdyń joǵary deńgeıi, otbasy turaqsyzdyǵynyń kóbeıýi, qazaq ultyna tán týysqandyq sezimniń jutańdanýy etek alyp bara jatyr. Mysaly, Statıstıka komıtetiniń deregine súıensek, sońǵy 10 jylda 1,5 mln qazaqstandyq nekesin qıǵan. Osy ýaqyttyń ishinde 500 myńy, ıaǵnı árbir úshinshi otbasy ajyrasyp ketken. Bul tolyq emes otbasylar halyqtyń 30 paıyzyn qurap otyr. Bul - asyraýshysynan aıyrylǵan jalǵyz basty analar, jartylaı jetim balalar, túptep kelgende qoǵamnyń áljýaz toptary. Bul ulttyq másele, urpaǵyna ıe bola almaǵan jurt ultynan aıyrylady", - dedi M.Baqtııaruly.
Osy oraıda senator dástúrli qazaq qoǵamynda ajyrasý degen múldem bolmaǵanyn, muny myqtap qolǵa alýymyz kerektigin basa aıtty. Jalpy elimizde kópbalaly otbasylar sany 230 myń ekendigin, ol eldegi barlyq áıelderdiń úsh-aq paıyzyn quraıtynyn atap ótti.
"Aýyl, qystaq turǵyndarynyń jan baǵý úshin qalaǵa údere kóshýi josparsyz jáne júıesiz túrde júrýde. Olardyń barlyǵynyń jumysqa turýy, páter alýy múmkin emes. Olardyń kópshiliginiń áleýmettik jaǵdaıy shash-etekten. Sondyqtan Úkimet qalaǵa kúsh tartýdy retteıtin tetikterdi jasaýy tıis sııaqty. Jalpy iri qalalardaǵy áleýmettik jaǵdaıdyń shıelenise berýi Úkimettiń aýyldarǵa baılanysty tolyp jatqan baǵdarlamalarynyń, monoqalalardy damytý josparynyń durys jumys istemeı turǵanyn, jumys isteý tetikteriniń júıelenbegenin kórsetedi", - dedi senator.
Sol sebepti ol stıhııaly túrde júrip jatqan osy ýrbanızatsııaǵa áleýmettik turǵydan taldaý jasaý kerektigine nazar aýdartty.
"Aýyldyq jerdegi adamdar úshin sapaly ómir súrýdiń barlyq jaǵdaıyn jasaıtyn bolsaq, azamattarymyzdyń qalaǵa kóshýi azaıyp, kópbalaly otbasylar úshin turýǵa eń qolaıly meken - aýyl bolar edi. Biz halqymyzdy tek áleýmettik tólemderge baılap qoımaı, halyq barynsha kúnkóristi ózi qamtamasyz etetindeı jaǵdaı jasaýymyz kerek. Memleket járdemaqy berýshi emes, jumys berýshi men jumysqa turýshy arasyndaǵy deldal bolýy qajet", - dedi ol.