Úkimet Innovatsııany damytý jáne ǵylymı-tehnıkalyq damý salaaralyq josparyn tehnıkalyq jańartýǵa járdemdesý baǵdarlamasyn maquldady
12:28, 06 Jeltoqsan 2010
ANA. 6 jeltoqsan. QazAqparat /Marlan Jıembaı/ - QR Úkimeti Innovatsııany damytý jáne ǵylymı-tehnıkalyq damý salaaralyq josparyn tehnıkalyq jańartýǵa járdemdesý baǵdarlamasyn maquldady.
Selektorlyq formatta ótken Úkimet otyrysy barysynda baǵdarlamany tanystyrǵan QR Premer-Mınıstriniń orynbasary, Indýstrııa jáne jańa tehnologııalar mınıstri Áset Isekeshev atalǵan ınnovatsııalyq baǵdarlama ındýstrıalızatsııalaý boıynsha prezıdenttik baǵdarlamany júzege asyrý aıasynda ázirlengenin atap ótti.
Onyń aıtýyna qaraǵanda, aǵymdaǵy jyly barlyq salalyq baǵdarlamalar ázirlenip, bekitilgen. Al búgingi Úkimet músheleriniń nazaryna usynylǵan qujat solardyń sońǵysy bolýymen qatar mańyzy da joǵary.
«Innovatsııany damytý baǵdarlamasy negizinen, buǵan deıin bolǵan qoldanystaǵy tetikterdi qaıta júkteý bolyp tabylady. Biz olardy ındýstrııalızatsııa maqsatynda barynsha qaıta júktedik», dedi Á.Isekeshev.