Úkimet gýmanıtarlyq kómek retindegi taýarlardy ákelý qaǵıdalaryn bekitti
***
Aktsızdeletin taýarlardy qospaǵanda, gýmanıtarlyq kómek retinde taýarlardy ákelý qaǵıdalaryn bekitý týraly
Qazaqstan Respýblıkasy Úkimetiniń 2018 jylǵy 25 maýsymdaǵy № 374 qaýlysy
2017 jylǵy 25 jeltoqsandaǵy "Salyq jáne bıýdjetke tólenetin basqa da mindetti tólemder týraly" Qazaqstan Respýblıkasy Kodeksiniń (Salyq kodeksi) 399-baby 1-tarmaǵynyń 4) tarmaqshasyna sáıkes Qazaqstan Respýblıkasynyń Úkimeti QAÝLY ETEDІ:
1. Qosa berilip otyrǵan Aktsızdeletin taýarlardy qospaǵanda, gýmanıtarlyq kómek retinde taýarlardy ákelý qaǵıdalarybekitilsin.
2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn.
3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
|
Qazaqstan Respýblıkasynyń |
B. Saǵyntaev |
|
|
Qazaqstan Respýblıkasy |
Aktsızdeletin taýarlardy qospaǵanda, gýmanıtarlyq kómek retinde taýarlardy ákelý qaǵıdalary
1-taraý. Jalpy erejeler
1. Osy Aktsızdeletin taýarlardy qospaǵanda, gýmanıtarlyq kómek retinde taýarlardy ákelý qaǵıdalary 2017 jylǵy 25 jeltoqsandaǵy "Salyq jáne bıýdjetke tólenetin basqa da mindetti tólemder týraly" Qazaqstan Respýblıkasy Kodeksiniń (Salyq kodeksi) 399-baby 1-tarmaǵynyń 4) tarmaqshasyna sáıkes ázirlendi jáne aktsızdeletin taýarlardy qospaǵanda, gýmanıtarlyq kómek retinde taýarlardy (budan ári - taýar) ákelý tártibin aıqyndaıdy.
2. Halyqtyń ómiri men turmys jaǵdaılaryn jaqsartý, sondaı-aq áskerı, ekologııalyq, tabıǵı jáne tehnogendik sıpattaǵy tótenshe jaǵdaılardyń aldyn alý jáne olardy joıý úshin shet elderden jáne halyqaralyq uıymdardan jiberilgen azyq-túlik, halyq tutynatyn taýarlar, tehnıka, qural-jaraqtar, jabdyqtar, medıtsınalyq jáne dárilik zattar, ózge de múlik túrinde Qazaqstan Respýblıkasyna óteýsiz beriletin, Qazaqstan Respýblıkasynyń Úkimeti ýákiletti uıymdar arqyly bóletin múlik gýmanıtarlyq kómek bolyp tabylady.
Tasymaldaýshy kedendik baqylaýdaǵy taýarlardy jetkizetin, taýarǵa ilespe qujattarda kórsetilgen tulǵa gýmanıtarlyq kómek retinde taýarlardy alýshy bolyp tabylady.
Qazaqstan Respýblıkasynyń qoldanystaǵy zańnamasyna sáıkes qurylǵan Halyqaralyq gýmanıtarlyq kómek máseleleri jónindegi komıssııa sheteldik gýmanıtarlyq kómekti alýǵa jáne paıdalanýǵa baılanysty máseleler boıynsha tıisti usynystardy ázirleýdi júzege asyrady.
2-taraý. Gýmanıtarlyq kómek retinde taýarlardy ákelý tártibi
3. Gýmanıtarlyq kómek retinde ákelinetin taýar tutynýshy úshin qaýipsiz bolýy jáne Qazaqstan Respýblıkasynda qoldanylatyn sanıtarııalyq-epıdemıologııalyq qaǵıdalarǵa jáne gıgıenalyq normatıvterge, karantındik fıtosanıtarııalyq, veterınarııalyq (veterınarııalyq-sanıtarııalyq) talaptarǵa, tehnıkalyq reglamentterdiń talaptaryna sáıkes kelýi tıis.
Qazaqstan Respýblıkasynyń kedendik aýmaǵyna taýarlardy ákelý sharttary Qazaqstan Respýblıkasynyń aýmaǵynda áreket etetin normatıvtik quqyqtyq aktilermen retteledi.
4. Qazaqstan Respýblıkasynyń aýmaǵyna dárilik zattardy, medıtsınalyq maqsattaǵy buıymdar men medıtsınalyq tehnıkany ákelý sharttary densaýlyq saqtaý salasyndaǵy Qazaqstan Respýblıkasynyń zańnamasyna sáıkes aıqyndalady.
5. Gýmanıtarlyq kómek retinde ákelinetin taýar, ony alýshyǵa is júzinde berý sátine deıin sheteldik zańdy jáne jeke tulǵalardyń menshigi bolyp tabylady.
6. Gýmanıtarlyq kómek retinde ákelinetin taýarlarǵa qatysty 2017 jylǵy 26 jeltoqsandaǵy "Qazaqstan Respýblıkasyndaǵy kedendik retteý týraly" Qazaqstan Respýblıkasy Kodeksiniń 147-babyna sáıkes kedendik operatsııalar birinshi kezektegi tártippen jasalady.
7. Taýarlardy gýmanıtarlyq kómek retinde ákelý kezinde:
1) taýarlardy gýmanıtarlyq kómek retinde joldanýyn rastaıtyn (onyń ishinde shet tilinde jasalǵan) taýardy jóneltýshiniń qujaty nemese gýmanıtarlyq kómek retinde - óteýsiz negizde taýardy ákelý maqsatyn kórsete otyryp, taýardy ákelý týraly dıplomatııalyq nemese olarǵa teńestirilgen ókildikterdiń nemese konsýldyq mekemelerdiń, nemese halyqaralyq uıymdardyń nemese olardyń ókildikteriniń, ózge de uıymdardyń nemese olardyń ókildikteriniń rastaýlary;
2) sheńberinde taýarlardy gýmanıtarlyq kómek retinde ákelý júzege asyrylatyn Qazaqstan Respýblıkasynyń halyqaralyq shartynyń kóshirmesi (bolǵan kezde);
3) taýarlardy ákelý maqsaty jáne onyń alýshysy týraly, sondaı-aq kúshine engen Qazaqstan Respýblıkasynyń halyqaralyq shartyna silteme týraly (bolǵan kezde) aqparat qamtylǵan taýarǵa ilespe qujattar tabys etiledi.
|
|
Qazaqstan Respýblıkasy |
Qazaqstan Respýblıkasy Úkimetiniń kúshi joıylǵan keıbir sheshimderiniń tizbesi
1. "Izgilik kómegi retinde taýarlar ákelý tártibi týraly" Qazaqstan Respýblıkasy Mınıstrler Kabınetiniń 1995 jylǵy 7 tamyzdaǵy № 1090 qaýlysy (Qazaqstan Respýblıkasynyń PÚAJ-y, 1995 j., № 27, 324-qujat).
2. "Qazaqstan Respýblıkasy Úkimetiniń keıbir sheshimderine ózgertýler engizý jáne kúshi joıylǵan dep taný týraly" Qazaqstan Respýblıkasy Úkimetiniń 1996 jylǵy 20 tamyzdaǵy № 1031 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgertýlerdiń 60-tarmaǵy (Qazaqstan Respýblıkasynyń PÚAJ-y, 1996 j., № 35, 327-qujat).
3. "Qazaqstan Respýblıkasy Mınıstrler Kabınetiniń 1995 jylǵy 7 tamyzdaǵy № 1090 qaýlysyna ózgerister engizý týraly" Qazaqstan Respýblıkasy Úkimetiniń 2001 jylǵy 20 qarashadaǵy № 1494 qaýlysy (Qazaqstan Respýblıkasynyń PÚAJ-y, 2001 j., № 40, 514-qujat).