Úkimet eldegi jaǵdaıdy turaqtandyrý úshin jedel sharalardy iske asyrýda

NUR-SULTAN. QazAqparat - Prezıdenttiń Úkimet aldyna qoıǵan barlyq tapsyrmasy oryndalatyndy. Bul týraly búgin QR Premer-Mınıstri Álıhan Smaıylov Memleket basshysynyń otandyq bıznes ókilderimen kezdesýinde aıtty, dep habarlaıdy QazAqparat tilshisi.

«Jaqynda oryn alǵan oqıǵalar aıasynda Memleket basshysynyń tapsyrmasy boıynsha Úkimet eldegi áleýmettik-ekonomıkalyq jaǵdaıdy turaqtandyrý úshin jedel sharalardy iske asyrýda. Bizdiń mindetimiz – zardap shekken bıznes sýbektileriniń jumysyn tez arada qalpyna keltirý. Osyǵan baılanysty, biz osy jumysqa iri bıznesti qatysýǵa shaqyramyz», - dedi Álıhan Smaıylov.

Úkimet basshysy qazirgi kezde aǵymdaǵy josparlar qaıta qaralyp jatqanyn atap ótti.

«Sondaı-aq Prezıdent tapsyrmalaryn eskere otyryp, ózekti áleýmettik-ekonomıkalyq máselelerdi sheshýge baǵyttalǵan qajetti sharalardy qamtıtyn 2022 jylǵa arnalǵan Úkimettiń is-qımyl baǵdarlamasy ázirlenýde», - dedi ol.

Álıhan Smaıylov Prezıdenttiń Úkimet aldyna qoıǵan barlyq tapsyrmasy oryndalatyndyǵyn da basa aıtty.

«Biz elimizdiń áleýmettik-ekonomıkalyq damýy úshin bıznespen birlesip belsendi jumys jasaımyz», - dedi Premer-Mınıstr.