Úkimet depýtattardyń jumyrtqaǵa sýbsıdııany qaıtarý týraly usynysyn qabyldamady
«Buryn qoldanysta bolǵan normatıv boıynsha taǵamdyq jumyrtqa óndirisin sýbsıdııalaýdy qalpyna keltirý máselesi agroónerkásip keshenin memlekettik qoldaý sharalaryn jetildirý aıasynda pysyqtaldy.
Respýblıkalyq bıýdjet múmkindikteriniń shekteýli bolýyna baılanysty qazirgi tańda taǵamdyq jumyrtqany sýbsıdııalaýdy qaıta bastaý múmkin emes», - dep jazylǵan jaýapta.
Úkimet basshysy qazir asyl tuqymdy qustan alynǵan, bir táýlik bolǵan bir jumyrtqaǵa 60 teńge sýbsıdııa tólenetinin eske salady.
«Sondaı-aq jumyrtqa salasyn damytý úshin ınvestıtsııalyq salymdar kezinde 2 baǵyt boıynsha sýbsıdııalaý kózdelgen:
- qus sharýashylyǵynda birinshi jáne ekinshi kezektegi asyl tuqymdy reprodýktordy qurý jáne keńeıtý;
- óndiristik qýaty 50 mln jumyrtqadan asatyn jumyrtqa qus fabrıkalaryn keńeıtý.
Budan basqa, qýaty táýligine 50 tonna qus qıyn qaıta óńdeýge arnalǵan tehnıka men jabdyqtardy satyp alýǵa jumsalǵan shyǵyndardy óteý kózdelgen. Atalǵan baǵyttar boıynsha ınvestıtsııalyq salymdardy óteý úlesi 25% quraıdy. Jalpy jumyrtqa sharýashylyǵynyń damýy Úkimettiń turaqty baqylaýynda», - dep jazady Álıhan Smaıylov.