Úkimet bıyl elimiz tap bolǵan syn-qaterlerge qarsy tıimdi jumys isteı almady - Toqaev

ASTANA. QazAqparat – Úkimet bıyl elimiz tap bolǵan syn-qaterlerge qarsy tıimdi jumys isteı almady. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Sózimniń sońynda taǵy bir mańyzdy máselege toqtalǵym keledi. Ashyǵyn aıtýymyz kerek, Úkimet bıyl elimiz tap bolǵan syn-qaterlerge qarsy tıimdi jumys isteı almady. Qoıylǵan mindetter tolyqqandy oryndalǵan joq. Al keıbir baǵyttar boıynsha múlde jumys jasalǵan joq. Mysaly, ábden eskirgen, qajeti joq normatıvtik aktilerdi joıý kerek ekeni osyǵan deıin de birneshe ret aıtyldy, Úkimetke tıisti tapsyrmalar da berildi. Sonyń kesirinen mınıstrler jáne mekeme basshylary ózdiginen áreket etip, jedel sheshim qabyldaı almaıdy», - dedi Memleket basshysy.

Prezıdenttiń paıymynsha, bitpeıtin jınalystarǵa, qujatty kelisý jumysyna óte kóp ýaqyt ketedi. Mınıstrlik jáne ulttyq kompanııa basshylary naqty sheshim qabyldaýǵa kelgende, ózderine jaýapkershilik alýdan bastaryn alyp qashady.

«Al tutas eldiń, halyqtyń taǵdyry sol mańyzdy sheshimge baılanysty bolyp jatatyny, ókinishke qaraı, eskerilmeıdi. Úkimet pen Prezıdent Ákimshiligi arasyndaǵy ózara is-qımyl durys jolǵa qoıylmaǵan», - dedi Qasym-Jomart Toqaev.