Úkimet basshysynyń qatysýymen qazaqstandyq qamtýdy damytý máselelerine arnalǵan respýblıkalyq semınar-keńes ótedi
Bul aqparatty Indýstrııa jáne jańa tehnologııalar mınıstrliginiń Aqparat basqarmasy taratyp otyr.
«Naýryzdyń 31-i men sáýirdiń 1-i kúnderi QR Indýstrııa jáne jańa tehnologııalar mınıstrligi QR Premer-Mınıstriniń, oblystardyń, Astana men Almaty qalalary ákimderiniń, memlekettik organdardyń, júıe quraýshy kásiporyndardyń, ulttyq kompanııalardyń basshylarynyń jáne jer qoınaýyn paıdalanýshylardyń qatysýymen qazaqstandyq qamtýdy damytý máselelerine arnalǵan respýblıkalyq semınar-keńes ótkizedi», delingen baspasóz habarlamasynda.
Keńes aıasynda otandyq taýar óndirýshilerdiń «Qazaqstandyq qamtý - 2010» kórmesi ótedi. Sondaı-aq «Elektrondyq memlekettik satyp alýlar», «Qazaqstandyq qamtý aıasyndaǵy zańnama jáne «ST-KZ» úlgisindegi sertıfıkatty alý» taqyryptarynda semınar uıymdastyrylady.
Alqaly jıyn elordanyń sol jaǵalaýynda ornalasqan Halyqaralyq «Kórme» ortalyǵynda ótedi. Shara barysynda tapsyrys berýshiler men jetkizýshiler arasyndaǵy memorandýmdar men kelisim sharttarǵa qol qoıý josparlanyp otyr.