Úkimet basshysy zorlyq-zombylyqtyń aldyn alýdy úılestiretin organdy anyqtaýdy tapsyrdy
«Turmystyq zorlyq-zombylyq máselesin sheshý úshin keshendi sharalar qajet. Sonymen birge, barlyq qadamdar men jańa tásilderdi aldymen qoǵamnyń talqysyna salý qajet. Ásirese, zańnamalyq sıpattaǵy sharalardy. Bul turǵyda memlekettik organdardyń, úkimettik emes uıymdardyń jáne sarapshylardyń biryńǵaı ustanymy qajet. Álemdik tájirıbeni de eskergen jón», - dedi Úkimet basshysy.
Onyń atap ótýinshe, qoǵamda otbasylyq-turmystyq zorlyq-zombylyqqa tózbeý atmosferasyn qalyptastyrý úshin áleýmettik jeliler men buqaralyq aqparat quraldarynyń múmkindikterin keńinen paıdalaný qajet.
«Zorlyq-zombylyqtan zardap shekken adamdardy ońaltý máselesine kóńil bólý kerek. Olarǵa tek medıtsınalyq qana emes, bilikti mamandardyń psıhologııalyq, quqyqtyq kómegi de qajet. Óńirlerde daǵdarys ortalyqtary men ýaqytsha beıimdeý mekemeleri jetispeıdi. Jaqynda vedomstvoaralyq komıssııa otyrysynda turmystyq zorlyq-zombylyqtyń aldyn alý máseleleri boıynsha úılestirýshi memlekettik organdy anyqtaý týraly sheshim qabyldandy. Bul jumysty tezdetý kerek», - dedi Álıhan Smaıylov.
Buǵan deıin Іshki ister mınıstri bıyl otbasylyq-turmystyq salada 668 qylmys jasalǵanyn aıtty. Marat Ahmetjanov turmystyq zorlyq-zombylyqtyń basty sebepterin de atady.
Foto: primeminister.kz