Úkimet basshysy jylý berý maýsymyn sátsizdikke ushyratqan jylý berý ortalyqtary dırektorlaryn qyzmetinen bosatýdy tapsyrdy
«Shyn máninde jyl saıyn jylý berý maýsymynda keıbir qıyndyqtar týyndasa ákimder jazalanyp jatady, al jylý energııa kózderiniń dırektorlary jylý berý kezeńine daıyndyqty sátsizdikke ushyratsa da qyzmetinde jyldap otyra beredi. Nátıjesinde bunyń zardaby halyqqa túsedi. Jylý berý maýsymyn sátsizdikke ushyratsa, onda bul basshylardy jumysynan bosatyp, oǵan yqpal etýdiń barlyq sharalaryn qoldaný kerek. Osy qalalardyń ákimderine de qatysty»,-dedi S. Ahmetov.
Munymen qosa Úkimet basshysy bundaı shara kommýnaldyq qyzmet úshin debıtorlyq qaryz boıynsha energııalyq kásiporyndar menedjmentine de qatysty qoldanylýy kerektigin aıtty.
«Kommýnaldyq qyzmet úshin debıtorlyq qaryz menedjmentke baılanysty bolsa, onda oblys, Almaty jáne Astana ákimdikterimen osy máselege jaýapty basshylardyń laýazymynyń sáıkestigi boıynsha máseleni qarastyryńyzdar»,-dedi Premer-Mınıstr.