Úkimet basshysy zeınetaqy rásimdeýdegi ózgerister týraly aıtty

NUR-SULTAN. QazAqparat - Muqtaj qart adamdardyń barlyǵyna ataýly kómek kórsetiledi. Bul týraly Májiliste «Nur Otan» partııasynyń saılaý aldyndaǵy mindettemelerin iske asyrýǵa arnalǵan talqylaý kezinde Premer-Mınıstr Asqar Mamın málim etti, dep habarlaıdy QazAqparat tilshisi.

«Aǵa býyn ókilderin qoldaý boıynsha jumys jalǵasady. 2024 jyly zeınetaqylardy resimdeý boıynsha barlyq rásimder proaktıvti formatqa kóshý arqyly elektrondyq túrde kórsetiletin bolady. Bıyl zeınetaqylar men járdemaqylardy taǵaıyndaý protsesteriniń 92 paıyzy tsıfrlanady», - dedi A. Mamın.

Onyń aıtýynsha, muqtaj qart adamdardyń barlyǵyna ataýly kómek kórsetiledi.

«Aǵa býyn ókilderiniń turmys sapasyn jaqsartý, densaýlyǵyn saqtaý jáne nyǵaıtý maqsatynda 2025 jylǵa deıin árbir óńirde Belsendi uzaq ómir ortalyqtary qurylady. Qazirgi kezde mundaı ortalyqtar Nur-Sultan jáne Almaty qalalarynda jumys isteıdi», - dedi Úkimet basshysy.

Onyń sózine qaraǵanda, ortaq zeınetaqylar jyl saıyn ınflıatsııa deńgeıinen 2 paıyzǵa asyrylyp, ındekstelip otyrady.

«Nátıjesinde 2025 jyly ortaq zeınetaqy mólsheri 2020 jylǵy deńgeıge qaraǵanda 37 paıyzǵa ósedi», - dedi Premer-Mınıstr.