Úkimet basshysy Údemeli ındýstrııalyq-ınnovatsııalyq damý memlekettik baǵdarlamasyn júzege asyrýdy baqylaý júıesin engizýdi tapsyrdy
Mundaı tapsyrmany ol búgin Úkimet otyrysynda júktedi.
«Úkimetke Údemeli ındýstrııaldyq-ınnovatsııalyq damý baǵdarlamasyn júzege asyrýdy baqylaý júıesin engizýdi tapsyramyn. Bul Elbasy bizge ekpin qoıyp otyrǵan eń basty baǵdarlama bolyp tabylady»,-dedi S. Ahmetov orynbasary Áset Isekeshevke qaratyp aıtqan sózinde.
Budan bólek Premer-Mınıstr, Qarjy, Ekonomıka jáne saýda, Aýyl sharýashylyǵy mınıstrlikterine «Agrobıznes - 2020» baǵdarlamasyn júzege asyrýǵa belsendi túrde kirisýdi júktedi.
Úkimet basshysynyń aıtýynsha, bul baǵdarlama boıynsha bıýdjet tarapynan qarjylandyrý tolyq kólemde iske asyrylmaq.
Osy oraıda, Premer-Mınıstr aýyl sharýashylyǵy salasyn atalǵan baǵyt boıynsha qarjylandyrmaý bul baǵdarlamanyń nátıjesiz qalýyna áser etetinin eskertip ótti.
Sóz sońynda S. Ahmetov Aýyl sharýashylyǵy mınıstri Asyljan Mamytbekovten bul baǵdarlamany júzege asyrýda tabandylyq tanytýdy talap etti.