Úkimet basshysy Ser Sýma Chakrabartımen kezdesti

ASTANA. QazAqparat - QR Premer-Mınıstri Álıhan Smaıylov Qazaqstan Respýblıkasynyń Prezıdenti janyndaǵy Reformalar jónindegi joǵary keńes tóraǵasynyń orynbasary Ser Sýma Chakrabartımen kezekti kezdesý ótkizdi, dep habarlaıdy QazAqparat Úkimet saıtyna silteme jasap.

Taraptar respýblıka ekonomıkasynyń túrli sektorlaryn damytý, memlekettik basqarýdy reformalaý jáne kommýnıkatsııa salasyn nyǵaıtý boıynsha halyqaralyq sarapshylardyń iske asyryp jatqan qadamdary men usynystaryn talqylady.

Atap aıtqanda, ınvestıtsııalyq ahýal, mektep jáne joǵary bilim berý, densaýlyq saqtaý, memlekettik organdar men basqa da baǵyttar arasyndaǵy ózara is-qımyldy jaqsartý jónindegi máseleler qaraldy.

Premer-Mınıstr Úkimet elimizdiń áleýmettik-ekonomıkalyq damý deńgeıin kezeń-kezeńimen arttyrý jáne azamattardyń ál-aýqatyn jaqsartý úshin Memleket basshysynyń bekitilgen josparlary men Saılaýaldy baǵdarlamasyn iske asyrýdy jalǵastyratynyn atap ótti.

Bıyl memlekettik organdardyń sheshim qabyldaýdyń jedeldigin arttyrý boıynsha sharalar qabyldanatyn bolady. Sonymen qatar qujat aınalymy men eseptilikti qysqartý jumystary jalǵasady.

«Halyq únine qulaq asatyn memleket» tujyrymdamasyna sáıkes Úkimet pen ákimdikterdiń azamattarmen qarym-qatynasyn odan ári damytýǵa nazar aýdarylatyn bolady.

Sondaı-aq kezdesý aıasynda Salyq jáne Bıýdjet kodeksterin ázirleý máseleleri jáne QR Prezıdenti janyndaǵy Reformalar jónindegi joǵary keńestiń 2023 jylǵa arnalǵan jumys jospary qaraldy.

Foto: primeminister.kz