Úkimet basshysy: Onkologııalyq naýqastardyń jartysynan kóbi –eńbekke qabiletti jastar

ASTANA. QazAqparat – Qazaqstandyq medıtsına damyp jatsa da, onkologııalyq ahýal ońalmaı tur. Úkimet otyrysynda Premer-Mınıstr Álıhan Smaıylov osyndaı pikir aıtty, dep habarlaıdy QazAqparat tilshisi.

«Qazaqstanda jyl saıyn onkologııalyq aýrýlardyń 37 myńnan astam jaǵdaıy anyqtalady. 20 jyl ishinde ólim-jitim deńgeıi 33%-ke tómendegenine qaramastan, qaterli isik jyl saıyn 13 myńnan astam qazaqstandyqtyń ómirin qııady. Bul – óte úlken jáne aýyr kórsetkishter. Onkologııalyq naýqastardyń jartysynan kóbi –eńbekke qabiletti jastar», - dedi Álıhan Smaıylov.

Onyń aıtýynsha, onkologııalyq aýrýlardy der kezinde anyqtaý máselesi kesheýildep jatyr.

«Mundaı tsıfrlardyń basty sebebi – aýrýdyń kesh anyqtalýy. Ókinishke qaraı, medıtsınamyz kóptegen baǵyttar boıynsha damyp ketse de, bul jaǵdaı jalpy ózgermeı tur. Joǵary tehnologııalyq jabdyqtar, dári-dármekter, zamanaýı aýrýhanalar sany qansha jerden kóbeıgenimen, bizge aýrýdy erte bastan anyqtaı alatyn joǵary bilikti mamandar qajet. Halyqpen de únemi profılaktıkalyq jumys júrgizý qajet. Sonymen qatar adamdardyń ózderi de óz densaýlyqtaryn kútýi tıis», - dedi Úkimet bashysy.