Úkimet basshysy óńirlerde óner ujymdarynyń máselesine nazar aýdarýdy tapsyrdy

ASTANA. QazAqparat - Búgin Úkimet otyrysynda Premer-Mınıstr Serik Ahmetov óner ujymdarynda qordalanǵan máselelerdiń sheshimi boıynsha usynystardy muqııat talqylaýdy tapsyrdy.

 «Búgingi Úkimet otyrysynda aımaqtyq tetrlardy damytýǵa baılanysty jaqsy ári qajetti áńgime boldy. Oryndy usynystar aıtyldy. Ony Mádenıet jáne aqparat mınıstrligi muqııat jan-jaqty qarap, Úkimet hattamasyna kirgizýi kerek», - dedi Premer-Mınıstr.

S. Ahmetov óner ujymdarynyń máselesine baılanysty usynystardy tıisti memlekettik organdar men jergilikti ákimshilikter nazarǵa alýy tıis ekenin tapsyrdy.

QR Mádenıet jáne aqparat mınıstri Muhtar Qul-Muhammed zaman talabyna saı ǵımarattardyń bolmaýy teatrlardyń basty problemasyna aınalyp otyrǵandyǵyn aıtqan bolatyn. Sonymen qatar, mınıstr otandyq teatrlardaǵy kúrdeli problemalardyń biri jalaqy máselesi ekenin qadap aıtty.