Úkimet basshysy Nokia korporatsııasynyń basshysy Rısto Sıılasmaamen kezdesti
Kezdesý barysynda tsıfrlandyrýdy damytýdyń qazirgi betalystary talqylanyp, «Tsıfrlyq Qazaqstan» memlekettik baǵdarlamasy aıasynda birlesken jobalardy iske asyrý prespektıvalary qaraldy. Taraptar telekommýnıkatsııalyq naryqty damytý salasyndaǵy ózara tıimdi yntymaqtastyqty arttyrýǵa erekshe kóńil bóldi. Talqylaý taqyryby ınfraqurylymdyq servıster men bıznestiń jańa múmkindikterin qurý úshin úlken derekterdi taldaýmen jáne zattar ınternetimen «besinshi býyn» baılanys jelisin damytý boldy.
QR Úkimetiniń basshysy A. Mamın telekommýnıkatsııalar naryǵyn keńeıtip, 5G tehnologııalaryn engizý kózdelip otyrǵanyn jetkizdi, osy maqsatta Qazaqstannyń birqatar qalalarynda pılottyq joba iske qosyla bastady. Búginde «besinshi býyn» baılanys jelisi Nur-Sultan, Almaty, Shymkent qalalarynda jáne Aqmola, Almaty oblystarynda testileýiden ótkizilýde.
Kezdesý qorytyndysy boıynsha «Qazaqtelekom» AQ Nokia-men birlesip ázirlegen 5G tehnologııalarynyń múmkindikteriniń tanystyrylymy ótti. QR Premer-Mınıstri Asqar Mamın jabdyq pen jeli jumysynyń sapaly kórsetkishterin tekserdi. Jańa jelini engizý derekterdi taratý jyldamdyǵyn aıtarlyqtaı arttyrady, bul zııatkerlik kólik júıelerin damytýǵa, iri óndiristik kompanııalarda, logıstıkada jáne t.b. salalarda ónerkásiptik robottardy paıdalaný múmkindigin keńeıtýge jol ashady.
Stend — Qazaqstandaǵy 5G tehnologııasynyń alǵashqy ımplementatsııasy. Jalpy, Forým qatysýshylaryna jańa býyn tehnologııalaryn synap kórip, mobıldi baılanystyń besinshi býynyn qoldanýdyń praktıkalyq múmkindikterin, sonyń ishinde baılanystyń joǵary jyldamdyǵyn, asa tómen jelilik irkilisterdi, jaýap qatýdyń joǵarǵy dáldigimen nysandy qashyqtan basqarýdy jáne t.b. baǵalaý múmkindigi berildi.