Úkimet basshysy Mádenıet jáne aqparat vıtse-mınıstri A. Qyryqbaevqa sógis jarııalady
11:55, 05 Qarasha 2013
ASTANA. 5 qarasha. QazAqparat - Búgin Úkimet otyrysynda QR Premer-Mınıstri Serik Ahmetov Mádenıet jáne aqparat vıtse-mınıstri Arman Qyryqbaevqa sógis jarııalady.
«Bizdiń áreketterimizdiń barlyǵy ashyq bolýy jáne BAQ arqyly jurtshylyqqa jetip jatýy kerek. Bundaı problemalardy búrkemeleýdiń qajeti joq. Bul jumys júıeli, turaqty ári ashyq bolýy shart. Elbasy memlekettik organdar men Úkimet jumysynyń BAQ-ǵy kórsetilimine qanaǵattanǵan emes. Sondyqtan da, mádenıet jáne aqparat mınıstrligi belsendi bola túsýi kerek. Biz óz jumystarymyzben aınalysyp jatyrmyz, al bul vedomstvonyń josparly jumysy kórinbeı keledi, ásirese sońǵy ýaqyttary», - dedi S. Ahmetov.
Eske sala keteıik, búgingi Úkimet otyrysynda Memleket basshysynyń 11 qazandaǵy Aqordada ótken keńeste bergen tapsyrmalaryn júzege asyrý máseleleri talqylanǵan bolatyn.