Úkimet basshysy Innovatsııalyq forým aıasynda uıymdastyrylǵan kórmeni aralap kórdi
Innovatsııalyq jobalar kórmesine Qazaqstannyń barlyq aımaqtarynan jınaqtalǵan jáne ekonomıkanyń túrli salalaryn qamtıtyn 68 jobalar qoıylǵan. Bul jobalar ınnovatsııalyq jobalardyń respýblıkalyq baıqaýynyń qorytyndysy negizinde iriktelip alynǵan bolatyn. Aıta keterligi, kórmege usynylatyn 68 orynǵa 11 úmitker jobadan tirkelip, olar arasyndaǵy básekelestik te qarqyndy ótti. Іriktelgen jobalar ınnovatsııalyq jobalar tizbesine engiziletin bolady. Bul rette sala mamandary ınnovatsııa salasyndaǵy jobalardyń da tıimdi júzege asýy úshin Indýstrııalandyrý kartasy sekildi arnaıy baǵyttyń bolýy qajettigin alǵa tartyp, memlekettik qoldaýdyń naqty tetikteri qamtylýy tıistigin aıtady.
Aıta keterligi, forým barysynda «Ulttyq ınnovatsııalyq qor» AQ sheteldik seriktestikterdiń qoldaýymen 2010-2011 jyldary Qazaqstanda iske asyrylǵan eki biregeı zertteýdiń de qorytyndysyn usynyp otyr. Bunyń biri Koreı ǵylymı-tehnıkalyq baǵalaý jáne josparlaý ınstıtýtynyń qoldaýymen iske asyrylǵan eń alǵashqy ulttyq ǵylymı-tehnıkalyq joba bolsa, ekinshisi BUU Eýropalyq ekonomıkalyq komıssııasynyń qamqorlyǵymen júrgizilgen «Qazaqstannyń ınnovatsııalyq damýyna sholý» bolyp tabylady. Qazaqstannyń 40-tan asa ınnovatsııalyq damý ınstıtýttary, kompanııalary, ǵylymı ınstıtýttary, JOO-lar qatysqan «Qazaqstannyń ınnovatsııalyq damýyna sholý» jobasy Eýropanyń ınnovatsııalyq ekonomıkasy damyǵan 7 eliniń mamandary tarapynan oryndaldy.