Úkimet basshysy ekojúıeni damytý boıynsha jol kartasyn ázirleýdi tapsyrdy
«ІT salasyn belsendi túrde damytý bıznes pen qoǵam úshin úlken múmkindikterge jol ashady. Qazirgi tańda Qazaqstanda bul sala qarqyndy túrde damyp keledi. ІT salany odan ary damytý úshin kelesi sharalardy qabyldaý kerek: birinshiden, Astana Hub negizinde ınnovatsııalyq ІT salasynyń ekojúıesin qurýdy jalǵastyrý, ІT ekojúıesiniń resýrstaryn, jańashyl qurylymdaryn, kásipkerlerdiń ıdeıalarymen ınnovatsııalyq seriktestiginiń tıimdi sınergııasy úshin retke keltirý mańyzdy. Ekinshiden, ınvestorlarmen, venchýrlik qarjylandyrýdy tartý úshin otandyq ınnovatsııalyq jobalar men startaptardy tartý qajet. Bul óte mańyzdy shara», - dedi Asqar Mamın Úkimet otyrysynda.
Sonymen qatar, Premer-Mınıstr ІT ekojúıesin damytý úshin jumysqa óńirlerdi belsendi túrde tartyp, ortalyq pen óńirlerdiń arasynda baılanys ornatý qajettigin tilge tıek etti.
«Qorytyndylaı kele, ІT salasyndaǵy ınnovatsııalyq ekojúıeniń tıimdi jumys júrgizý kerektigin atap ótemin. Sondyqtan, QR Tsıfrlyq damý, ınnovatsııalar jáne aeroǵarysh ónerkásibi mınıstrligine Astana Hub-pen birlesip, eki apta merziminde Ulttyq ınnovatsııalyq ekojúıeni damytý boıynsha jol kartasyn ázirleýdi tapsyramyn», - dedi ol.