Úkimet basshysy bıznesti baqylaý protsesin avtomattandyrýdy tapsyrdy
«Birinshi. Ulttyq ekonomıka mınıstrligi «Atameken» palatasymen birge Shaǵyn jáne orta kásipkerlikti damytý tujyrymdamasyn sapaly iske asyrýdy qamtamasyz etsin.
Ekinshi. Kásipkerlik qyzmetti «taza paraqtan» retteýdiń jańa tásilderin iske asyrý úshin salalyq memlekettik organdar men óńirlerdiń ákimdikteri bir apta merzimde birinshi basshylardyń jaýapty orynbasarlaryn belgilesin», - degen Úkimet basshysy bul baǵyttaǵy jumys QR Premer-Mınıstriniń orynbasary – Qarjy mınıstri Erulan Jamaýbaevqa júkteletinin eske saldy.
«Úshinshi. Memleket basshysy bıznes sýbektilerin memlekettik baqylaý men qadaǵalaý júıesinde «adamı faktorǵa» jol bermeı, ony tolyq avtomattandyrýdy bıylǵy jyldyń sońyna deıin aıaqtaýdy tapsyrdy.
Atalǵan júıeni tekserý nátıjesinde 93 baqylaý salasynyń 24-i ǵana, 18 qadaǵalaý salasynyń 2-i ǵana avtomattandyrylǵany belgili boldy. Bul jumysty kúsheıtý kerek.
Ulttyq ekonomıka mınıstrligi múddeli memlekettik organdarmen birge 2 apta merzimde Táýekelderdi basqarý júıesiniń negizinde Bıznes sýbektilerin memlekettik baqylaý men qadaǵalaý júıesin avtomattandyrý jónindegi Jol kartasyn ázirlep, kelisilgen Kartany Premer-Mınıstr Keńsesine engizsin.
Tsıfrlyq damý mınıstrligi memlekettik organdardyń júıelerdi avtomattandyrý jumystaryn baqylaýǵa alsyn», - dedi Álıhan Smaıylov.
Atalǵan sharada Tımýr Jaqsylyqov qańtar oqıǵasy kezinde zardap shekken shaǵyn jáne orta bıznes nysandarynyń naqty sanyn ataǵan bolatyn.