Úkimet basshysy bastaǵan bir top memleket qaıratkeri «Otan qorǵaýshylar» alańyna gúl shoqtaryn qoıyp, UOS-da qaza tapqandardy bir sát únsizdikpen eske aldy
Atalǵan sharaǵa Astana qalasynyń ákimi Imanǵalı Tasmaǵambetov, Memlekettik hatshy Qanat Saýdabaev, Qorǵanys mınıstri Ádilbek Jaqsybekov, sondaı-aq QR Prezıdenti, Úkimeti ákimshiliginiń ókilderi, QR Parlamenti Senaty jáne Májilisiniń depýtattary, Mınıstrler kabınetiniń músheleri, ortalyq jáne jergilikti memlekettik organdardyń basshylary qatysty. Alańǵa ondaǵan myń astanalyqtar men qala qonaqtary jınaldy.
«Otan qorǵaýshylar» alańyndaǵy mártebeli meımandarǵa arnalǵan oryndarǵa 400 maıdanger jaıǵasty. Olardyń janynda QR Respýblıkalyq ulannyń úrlemeli orkestri men QR Qorǵanys mınıstrligi, «Jas ulan» respýblıkalyq mektebiniń qurama bólimderi ornalasqan.
Bir sát únsizdikten keıin ardagerler alańda tigilgen shatyrlarda bolyp qaraqumyq botqasynan dám tatty. Al teatr ártisteri olardyń qurmetine kórinister qoıdy.
Aıta keteıik, astanada 72 gvardııalyq Krasnograd atqyshtar dıvızııasy, 310 Novgorod atqyshtar dıvızııasy jáne 387 Perekop atqyshtar dıvızııasy qurylǵan bolatyn.